Nakaranas ng magkahiwalay na paglindol ang mga lalawigan ng Biliran at Leyte sa Visayas, Huwebes ng gabi.
Ayon sa Philippine Institute of Volcanology and Seismology o Phivolcs, unang nakaranas ng magnitude 3.1 na lindol ang Biliran dakong alas 6:29 ng gabi.
Naitala ang episentro ng lindol sa kayong 5 kilometro sa kanlurang bahagi ng Kawayan, Biliran.
Samantala, dakong alas 11:48 ng gabi, naitala naman ang magnitude 3.8 na lindol sa Leyte.
Naitala ang episentro sa layong 7 kilometro sa silangan ng Capoocan, Leyte.
Wala namang naitalang pinsala sa dalawang pagyanig.
Matatandaang kapwa naapektuhan ng bagyong ‘Urduja’ ang dalawang lalawigan nitong nakalipas na araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.