Martial law sa buong bansa, spekulasyon lang ayon sa AFP
Masyado pang maaga para talakayin ni Armed Forces of the Philippines chief General Rey Leonardo Guerrero ang usapin ng deklarasyon ng batas militar sa buong bansa.
Ipinahayag ito ni Guerrero sa pulong balitaan sa Camp Aguinaldo. Aniya, spekulasyon pa lamang ito.
Gayunman, sinabi ng AFP chief na nakadepende ang pagpapalawak ng martial law sa magiging sitwasyon at kung maging marahas ang kanilang mga kalaban.
Lumutang ang mga usap-usapan ng posibilidad ng pagsasailalim sa martial law ng buong bansa makaraang palawigin nang isang taon ang batas militar sa Mindanao.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.