3 sugatan sa salpukan ng motor at kotse sa EDSA, QC
Sugatan ang tatlong sakay ng isang motorsiklo makaraang makasagian nito ang isang kotse sa EDSA-northbound, kanto ng Nueva Ecija St, Brgy. Ramon Magsasay, sa Quezon City kagabi.
Ayon sa ilang saksi, papaliko sana ang isang Honda Civic na may plakang UCW-603 nang bigla na lamang may dumaan sa gilid nito na motorsiklo lulan ang mga biktima.
Sa bilis umano ng pagpapatakbo ng motorsiklo ay bumangga ito sa sasakyan kaya’t tumilapon ang tatlong sakay nito.
Tatlong sakay ng motor, sugatan matapos masalpok ng sasakyan sa EDSA Northbound | @dzIQ990 pic.twitter.com/LzmRkQ0nCe
— Justinne Punsalang (@Justinne24) November 15, 2017
Bagaman may suot na mga helmet ay kritikal ang kundisyon ng isang babaeng sakay ng naturang motorsiklo, habang naapektuhan naman ang balakang ng isa pa nitong kasamang babae.
Nirespondehan naman ng mga emergency rescue teams ang mga biktima na agad na dinala sa ospital matapos ang pangyayari.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.