Mga pulis at anti-Trump groups, nagka-giriian sa Maynila
Sugatan ang ilang pulis, makaraang mauwi sa giriian ang kilos protesta na isinagawang iba’t ibang grupo sa Taft Avenue sa Maynila.
Galing Liwasang Bonifacio, nag-martsa ang mga raliyista patungo sa bahagi ng Taft Avenue at tinarget na makalapit sa bahagi ng Roxas Boulevard partikular sa PICC.
Pero pagsapit pa lamang sa kanto ng Padre Faura Street hinarang na sila ng mga nakabarikadang anti-riot police.
Tinangka ng mga raliyista na magpumilit makausad dahilan para bombahin sila ng tubig ng mga pulis.
Anim na pulis ang nasugatan sa insidente.
Pinaalalahanan naman ni National Capital Region Police Office (NCRPO) Chief, Dir. Gen. Oscar Albayalde ang mga anti-riot police na pairalin ang maximum tolerance.
Gayunman, binilinan din silang huwag mangiming arestuhin ang sinumang lalabag.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.