Dead on the spot ang isang lalaki matapos itong pagbabarilin ng mga hindi pa nakikilalang suspek sa Barangay Punta Princesa, Cebu City.
Kinilala ang biktimang si Ranilito Jaguros na nagtamo ng tama ng bala sa kanyang tainga.
Kwento ng kasamahan ni Jaguros na si Victor, pauwi na sana sila ng biktima mula sa kanilang trabaho nang bigla na lamang siyang nakarinig ng putok.
Paglingon niya ay doon niya nakita na nakahandusay na si Jaguros.
Ayon kay Victor, dalawang lalaking sakay ng motorsiklo ang bumaril sa kanyang kasamahan.
Ngunit aniya, hindi niya namukhaan ang mga ito dahil mabilis na tumakas ang mga suspek mula sa pinangyarihan ng insidente.
Samantala, patuloy ang imbestigasyon ng mga otoridad tungkol sa pamamaril.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.