2 patay, 1 sugatan sa pamamaril sa loob ng Walmart sa Colorado
Dalawa katao ang nasawi habang isa ang nasugatan sa pamamaril sa loob ng Walmart store sa Denver, Colorado.
Sa isang Twitter post siyamnapung minuto makalipas ang pamamaril, kinumpirma ng pulisya na dalawang lalaki ang nasawi habang isang babae naman ang isinugod na sa ospital.
Pero hindi na nagbigay ng iba pang detalye ang mga imbestigador tungkol sa insidente.
Ayon kay Officer Victor Avila ng Thornton Police Department, minomonitor pa nila ang sitwasyon at ang kundisyon ng mga tao sa paligid ng supermarket.
Sinabi din ni Avila na tumigil na ang pamamaril nang dumating sa lugar ang mga rumespondeng pulis.
Ngayon ay patuloy na iniimbestigahan ng mga otoridad ang insidente at inaalam kung sino ang nasa likod at motibo ng pamamaril.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.