Transgender ban sa US military service na isinusulong ni Trump, hinarang ng korte
Hinarang ng isang US court ang direktiba ni President Donald Trump na naglalayon sanang pigilin ang mga transgender na maglingkod sa military service ng Amerika.
Naglabas na ng preliminary injunction ang US Court for the District of Columbia na pumipigil sa pagpapatupad ng inilabas na memo ni Trump noong Agosto.
Sa August memo, binabawi ni Trump ang isang 2016 policy na nagbibigay-pahintulot sa mga transgender na malayang magsilbi sa US military.
Bago pa man ang 2016 policy, maaaring patawan ng parusa at ma-discharge sa serbisyo ang isang sundalo kung mapapatunayan na ito ay isang transgender.
Gayunman, sa desisyon ng korte, iginiit nitong hindi maaring pigilan ng memo ni Trump ang mga transgender na patuloy na manilbihan sa military service.
Dapat din aniyang manatili ang pagbibigay ng kaukulang tulong-medikal para sa mga transgender na nasa serbisyo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.