Kapatid ng Las Vegas massacre gunman, inaresto dahil sa child pornography investigation
Inaresto ng mga otoridad sa Los Angeles ang kapatid ng Las Vegas massacre gunman dahil sa kasong may kinalaman sa child pornography.
Ayon sa ulat, dinakip si Bruce Paddock, 58-anyos, kapatid ng Las Vegas gunman na si Stephen Paddock dahil sa suspetsang may mga hawak itong mga larawan na nagpapakita ng mga hubad na imahe ng mga menor de edad.
Nasa kustodiya ngayon ng Los Angeles Police ang nakababatang Paddock at patuloy na iniimbestigahan.
Nang maganap ang Las Vegas massacre, tinangkang kunan ng pahayag si Bruce Paddock hinggil sa posibleng motibo ng kanyang kapatid sa pamamaril.
Gayunman, tumanggi itong magbigay ng komento dahil matagal na umano silang hindi nagkikita ni Stephen.
Tanging ang isa pang kapatid ni Stephen na si Eric Paddock ang nagpaunlak ng mga interview sa media na nagsabing kanilang labis na ikinagulat ang mga pangyayari.
Nasa 58 inosenteng sibilyan ang nasawi nang magpaulan ng bala mula sa Mandalay Bay si Stephen Paddock sa libu-libong nanonood ng isang country music concert sa Las Vegas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.