Biyahe ng MRT, nagka-aberya dahil sa diaper

By Dona Dominguez-Cargullo, Isa Avendaño-Umali October 23, 2017 - 06:40 AM

Photo from DOTr Usec. Cesar Chavez

UPDATE: Maagang naperwisyo ang mga pasahero ng Metro Rail Transit (MRT) ngayong umaga.

Ito ay dahil sa diaper na itinapon sa pagitan ng Ayala at Buendia stations.

Ayon sa abiso ni Department of Transportation (DOTr) Usec. Cesar Chavez, sumabit sa kawad ng MRT ang nasabing diaper.

Simula alas 6:16 ng umaga, sinimulan ang pagpapatupad ng provisional service ang MRT.

North Avenue station hanggang Shaw Boulevard station lamang ang biyahe at pabalik.

Walang naging biyahe mula Shaw Boulevard station hanggang Taft Ave. station at pabalik.

Alas 7:34 naman ng umaga nang maibalik sa normal ang biyahe ng MRT.

Humingi naman ng paumanhin ang pamunuan ng MRT sa mga naapektuhang pasahero.

Samantala, makalipas ang ilang minuto, muli na namang nakaranas ng aberya sa MRT.

Pinababa ang mga pasahero sa Shaw Boulevard Station southbound alas 8:16 ng umaga dahil sa isang tren na nakitaan ng problema sa pinto.

 

 

 

 

 

 

 

 

TAGS: Metro Rail Transit, MRT, MRT7, problem, provisional service, Radyo Inquirer, Metro Rail Transit, MRT, MRT7, problem, provisional service, Radyo Inquirer

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.