Porn publisher Larry Flynt, nag-aalok ng $10-M para sa impormasyong makakapagpa-impeach kay Donald Trump

By Jay Dones October 16, 2017 - 12:08 AM

 

Handang magbayad ng sampung milyong dolyar ang kilalang publisher ng pornographic magazine na si Larry Flynt sa sinumang makapaglalabas ng impormasyon laban kay US President Donald Trump na magreresulta upang mapatalsik ito sa kanyang puwesto.

Si Flynt ang founder at publisher ng mga pornographic magazine na ‘Hustler’.

Sa isang full-page ad na inilabas ng porn publisher sa ‘The Washington Post’, inilahad nito na handa siyang magbayad ng naturang halaga para sa sinuman na makakahalukay ng ‘impormasyon’ laban sa pangulo ng Amerika.

Malaki aniya ang posibilidad na may mga impormasyong natatago sa likod ng mga negosyo ni Trump o sa mga top-secret tax returns o mga investments nito na maaaring maging ‘smoking gun’ laban dito.

Noong nakaraang taon rin, sa kasagsagan ng presidential campaign, naghamon rin si Flynt na handa siyang magbayad ng isang milyong dolyar sa sinumang makapaglalabas ng video o audio recording ni Trump na nasa ‘sexually demeaning manner’.

Dahil sa reward na ito ni Flynt, nabunyag ang isang video na nakuhanan noong 2005 kung saan nakuhanan si Trump na ipinagmamalaki ang pagiging malapit nito sa mga babae.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.