Bagong kalihim ng DILG, nagbitiw na sa kamara at liliban na sa Liberal Party
Kinumpirma ni Western Samar Rep. Mel Senen Sarmiento na nakatakda siyang mag-leave bilang Secretary General ng Liberal Party o LP.
Ito ay bilang paghahanda sa kanyang trabaho bilang bagong Kalihim ng Department of Interior and Local Government o DILG.
Ayon kay Sarmiento, nauna na siyang nagbitiw bilang miyembro ng mababang kapulungan, na agad na tinanggap ni House Speaker Feliciano Belmonte Jr.
Sinabi ni Sarmiento na gusto niyang pawiin ang pangamba na baka magamit ang buong tanggapan ng DILG sa Presidential bid ni outgoing Secretary Mar Roxas.
Kaya bilang tugon, tiniyak ni Sarmiento na bago siya umupo sa DILG ay magle-leave na siya bilang opisyal ng Partido Liberal. “Makakaasa po kayo na hindi ko gagawin yan. Right away, bago mag-assume bilang Secretray ng DILG, magle-leave ako bilang Secretary General ng LP, as I resigned also as member of the House,” pahayag ni Sarmiento.
Dagdag pa ni Sarmiento, sa Biyernes o sa Lunes ay posible na siyang magsimulang magtrabaho sa DILG.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.