Pamahalaan, handa na sa dalawang araw na tigil-pasada sa susunod na linggo
Handa na ang mga kaukulang ahensya ng pamahalaan kaugnay sa panibagong transport strike ng mga operator at tsuper ng mga pampasaherong jeepneys.
Ang tigil-pasada ay isasagawa sa September 25 at 26, sa pangunguna ng Stop and Go Coalition at kanilang mga miyembro.
Ayon kay LTFRB Board Member Atty. Aileen Lizada, nakatakdang i-preposition ang nasa pitong staging areas para sa mga pribadong bus na sisingil lamang ng minimum fare; pampublikong sasakyan na mag-aalok ng libreng sakay at iba pang mga sasakyan.
Ang Metropolitan Manila Development Authority o MMDA naman, magdedeploy ng mga sasakyan, batay sa CCTV at mga report mula sa ground.
Dagdag ni Lizada, ang Highway Patrol Group o HPG ang magmomonitor sa mga lugar na mayroon maiuulat na harassment o pagbabanta.
May kinatawan naman ng PNP, LTFRB at iba pang ahensya sa MMDA upang agad na makasagot sa mga tawag sa telepono kung may mga report hinggil sa tigil-pasada.
Sa ganitong paraan, ani Lizada, ay madaling makakapag-dispatch ng mga pulis, MMDA at LTFRB enforcers.
Ang dalawang araw na tigil-pasada ng Stop and Go coalition ay bilang pagtutol sa phase out sa mga pampasaherong jeepney, at kontra rin sa mababang singil sa pasahe.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.