Listahan ng benepisyaryo ng CCT idinepensa ng Palasyo
Ipinagtanggol ng Malacañang ang listahan ng mga benipisyaryo ng CCT o Conditional Cash Transfer program.
Ginawa ito ni Communications Secretary Sonny Coloma bilang reaksyon sa hirit ni Vice President Jejomar Binay na lilinisin niya ang listahan ng CCT recipient kung mabibigyan ng pagkakataon.
Buwelta ni Coloma, base sa independiyenteng pag-aaral ng Asian Development Bank at World Bank, maliit na porsyento lamang ang tiwali o di karapat-dapat na benepisyaryo ng CCT.
Dagdag nito, sa kabuuan, mainam ang pangangasiwa ng DSWD dito ayon pa rin sa ADB at World Bank.
Una rito, sinabi ni Binay na oras na maging presidente siya, titiyakin niya na tanging ang mga tunay at karapat-dapat na benepisyaryo lamang ang makikinabang sa nasabing programa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.