Dahil sa inaasahang pagdagsa ng mga deboto sa paparating na Pista ng Peñafrancia ngayong buwan ng Setyembre, ikinakasa na ng Bicol police ang seguridad sa Naga City, Camarines Sur.
Ayon sa hepe ng Bicol police na si Chief Supt. Antonio Gardiola, magpapatupad sila ng suspensyon ng permit to carry firearms sa loob ng 10 araw mula September 8 hanggang 17, bilang pagbibigay pugay kay Nuestra Señora de Peñafrancia na Patroness ng Bicol.
Ani Gardiola, layon nitong matiyak na magiging malaya mula sa anumang firearm-related incidents ang kapistahan, para na rin sa kaligtasan ng mga deboto.
Samantala, tiniyak naman ni Naga City police director Senior Supt. Jonathan Panganiban na kasado na ang mga planong pang-seguridad para sa maprotektahan ang mga turista mula sa anumang krimen.
Ang Peñafrancia Festival ang itinuturing na pinakamalaking Marian devotion event sa buong Asya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.