Sea Games flag, pormal nang ipinasa sa Pilipinas para sa 2019 SEA Games

By Rhommel Balasbas August 31, 2017 - 03:34 AM

Credits: Official Twitter account of Kuala Lumpur 2017 SEA Games and ASEAN Para Games

Matapos ang matagumpay na pagdaraos ng Kuala Lumpur SEA Games, pormal nang tinanggap ng Pilipinas ang Sea Games Flag para sa paghohost ng bansa sa 2019 edition ng biennial competition.

Masaya at punong-puno ng performances ang closing celebration na inihanda ng Malaysia sa Bukit Jalil National Stadium.

Hindi lamang ito closing celebration ng palaro ngunit selebrasyon ng Malaysia matapos makakuha ng 145 gold medals at manguna sa lahat ng bansa sa Timog Silangan.

Ngunit ang highlight ng gabi, ay ang pagpasa ng SEA Games flag sa Pilipinas sa pangunguna ni Philippine Olympic Committee President Jose Cojuangco.

Ipinasa naman ni Cojuanco ang flag kay Foreign Affairs Secretary Allan Peter Cayetano na chairman din ng 2019 SEA Games Committee.

Nauna na ngang ipinahayag ni Cayetano na gagamitin ng Pilipinas ang dalawang taon bilang oportunidad para bigyang buhay ang larangan ng palakasan sa bansa.

Nagtapos ang Pilipinas sa ikaanim na spot sa 2017 sea games na may 24 gold medals, 33 silver at 64 bronze medals.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.