Halaga ng piso kontra dolyar, babagsak pa sa P52.50
Patuloy pang hihina ang halaga ng piso kontra dolyar matapos maabot ang P51 level.
Ayon kay BPI Securities analyst Riche Lim, maaring bumagsak hanggang sa P52.50 ang palitan ng piso sa dolyar sa pagtatapos ng taon.
Sa 2018, pwede pa aniyang umabot sa P53 hanggang P54 ang palitan ng piso sa dolyar.
Ngayong araw, nagbukas ang halaga ng piso sa P51.45 mula sa P51.34 noong Lunes.
Naniniwala si Lim na ang patuloy na pag-aangkat ng mga gamit para sa infrastructure programs ng pamahalaan ang nagdudulot ng paghina ng piso.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.