Pulis binaril sa ulo ng hinuhuling drug pusher sa Taguig City
Patay ang isang pulis matapos itong barilin sa ulo ng isang drug suspect habang siya’y tinutugis ng mga otoridad sa Taguig City.
Kinilala ang biktima na si PO1 Jovy Elchico na nakatalaga sa Taguig City Police Station habang ang suspek naman ay si Alvin Alcantara.
Nahuli ni Elchico at dalawa pang kasamahang pulis si Alcantara sa gitna ng shabu session, kasama ang dalawa pang mga lalaki na sina Jimmuel John Olmedo at Joseli Nemis.
Hindi naman nanlaban sina Olmedo at Nemis sa mga pulis pero si Alcantara ay biglang pumiglas saka tumakbo.
Nasabat mula sa pinangyarihan ng insidente ang ilang plastic sachet na naglalaman ng shabu at mga drug paraphernalia.
Naglunsad na ng manhunt operation ang mga otoridad laban kay Alcantara.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.