BIFF, kinumpirmang may hawak silang mga guro at estudyante sa Pigcawayan, North Cotabato
Kinumpirma ng Bangsamoro Islamic Freedom Fighters (BIFF) na mga miyembro nila ang ka-engwentro ngayon ng mga militar sa Barangay Malagakit, Pigcawayan, North Cotabato.
Ayon kay Abu Misry Mama, tagapagsalita ng BIFF, nagsimula ang sagupaan sa pagitan ng kanilang mga miyembro at mga sundalo matapos na una nilang lusubin ang kampo ng tropa ng pamahalaan sa lugar.
Kinumpirma din ng BIFF na may hawak silang mga guro at estudyante.
Gayunman, hindi umano nila hostage ang mga ito.
Nais lamang umano nilang makaiwas sa pagpapaulan ng bala ng mga sundalo.
Nagbanta din ang BIFF ng pagsalakay pa sa mga kalapit na barangay sa Pigcawayan.
Umabot na sa 70 residente sa Pigcawayan ang nilikas bunsod ng nasabing bakbakan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.