NCRPO, iniimbestigahan ang koneksyon ng Resorts World gunman sa 2 lalaking napatay sa Paco, Maynila

By Mariel Cruz June 11, 2017 - 06:59 PM

Iniimbestigahan ngayon ng pulisya ang posibleng koneksyon ng gunman sa Resorts World Manila attack na si Jessie Carlos, sa dalawang lalaki na napatay sa Paco, Maynila noong nakaraang June 1.

Ayon kay NCRPO chief Oscar Albayalde, nakatanggap sila ng ulat na kakilala ni Carlos ang dalawang lalaki na napatay na sina Elmer Mitra Jr. at Alvin Cruzin.

Bineperipika aniya nila ang impormasyon na nakita na magkakasama sina Carlos, Mitra at Cruzin noong gabi bago maganap ang pag-atake sa Resorts World na ikinasawi ng 38 katao.

Ayon kay Albayalde, malaki ang posibilidad na magkakasama ang tatlo bago mangyari ang insidente sa Resorts World.

Hinihintay na lang aniya nila ang CCTV footage na ibibigay ng hotel-casino noong gabi, bago maganap ang pag-atake.

Nabatid na binaril sa loob ng isang sasakyan sina Mitra at Cruzin.

Ayon pa kay Albayalde, narekober sa crime scence ang isang 9mm pistol.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.