Biyahe ng Pasig ferry, sinuspinde dahil sa malakas na ulan
Sinuspinde muna ang biyahe ng Pasig river ferry dahil sa nararanasang malakas na buhos ng ulan sa maraming lugar sa Metro Manila.
Sa abiso ng Metropolitan Manila Development Authority, wala munang biyahe ang Pasig ferry mula ala 1:45 ng hapon.
Nakararanas kasi ng zero visibility sa maraming bahagi ng Metro Manila dahil sa malakas na buhos ng ulan.
Sinabi ng MMDA na muli silang mag-aanunsyo kung makakabiyahe pa muli ang ferry ngayong araw.
Sa abiso ng PAGASA, nakararanas ng thunderstorm ang Metro Manila at ilang bahagi ng Bulacan, Rizal, Laguna, Cavite, Batangas at Quezon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.