Trudeau, binati ang bagong halal na pangulo ng France
Nagpaabot ng pagbati si Canadian Prime Minister Justin Trudeau sa nanalong bagong pangulo ng France na si Emmanuel Macron.
Sa inilabas na pahayag ni Trudeau, malugod niyang binabati si Macron sa pagkapanalo nito bilang susunod na presidente ng France.
Kasabay ng kanyang pagbati, hinikayat ni Trudeau si Macron na sila ay magkita, para mapag-usapan kung paano palalakasin ang malalim na relasyon ng Canada at France.
Umaasa si Trudeau na magkakaroon sila ng matibay na working relationship ng bagong halal na pangulo.
Ilan sa nais itaguyod ni Trudeau katuwang ang France ay ang international security at maipatupad ang Canada-European Union Comprehensive Economic and Trade Agreement.
Si Macron ay isang independent centrist at nagawa nitong talunin ang far right nationalist na si Marine Le Pen.
Lumabas sa pinakahuling resulta ng botohan na nakakuha ang neophyte politician ng 65 percent ng mga boto.
Papalitan ng bagitong pulitiko si outgoing French president Francois Hollande.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.