Mga mawawalan ng trabaho dahil sa bagong department order tutulungan ng DOLE
Naglaan ng pondo ang Department of Labor and Employment (DOLE) bilang pansamantalang tulong sa mga manggagawang maaring mawalan ng trabaho bunsod ng magiging resulta ng pagpapatupad ng Department Order 174.
Sinabi ni Labor Undersecretary Dominador Say na pangunahing interbensyon ay ang pagbibigay ng pagsasanay o pag upgrade ng kasanayan at pagpapahusay ng employability ng mga manggagawa.
Pagkakalooban ng allowance ang mga sasailalim sa pagsasanay sa panahon ng training na magtatagal sa loob ng tatlong buwan.
Inaasahan ng DOLE na maaring tumaas ang bilang nga mga manggagawa na mawalan ng trabaho sa sandaling di na makapag-renew ng kontrata ang mga flyby night na service contractors na nagpapairal ng kontraktuwalisasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.