Posibleng kanselasyon ng tulong sa Pilipinas ng US at EU, isinisisi sa mga nagpapalutang ng human rights issue
Sinisi ni DILG Sec. Ismael Sueno ang aniya’y walang basehan na mga alegasyon ng paglabag sa human rights ng ilang grupo laban kay Pangulong Duterte sa pagkawala ng 434 milyong dolyar na grant ng Millennium Challenge Corporation (MCC) para sa Pilipinas mula sa US.
Ito’y bukod pa aniya sa posibilidad na mawala rin ang 27 trade agreements sa pagitan ng Pilipinas at European Union dahil sa mga napapabalitang human rights violations sa bansa.
Kung mawawala aniya ang 27 trade agreement sa EU, maraming mga magsasaka ang lalong maghihirap.
Ang MCC grant naman aniya ay layon sanang maibsan ang kahirapan sa iba’t ibang panig ng bansa.
Ayon kay Sueno, base sa kanilang research ay kanilang napag-alaman na may banta na hindi ibigay ng US ang naturang grant sa bansa bilang sanction sa diumanoy paglabag sa karapatang pantao ng Duterte administration sa kampanya nito laban sa ilegal na droga.
Giit ng Kalihim, mistulang sinasadya ng ilang grupo na palutangin ang isyu ng umano’y human rights violations sa bansa upang i-pressure lamang ang pangulo.
Pinakahuli rin aniya sa hakbang na ito ay ang pagpapalabas ng video ni Vice President Leni Robredo sa United Nations.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.