Mga motorista, inabisuhan sa isasagawang road re-blocking at repair projects sa QC ngayong wekeend
Nagpa-abiso na ang Metropolitan Manila Development Authority (MMDA) sa mga motorista hinggil sa isasagawang road re-blocking at road repair projects ngayong weekend.
Ayon sa MMDA, mula mamayang alas 1:00 ng gabi (March 3) hanggang alas 5:00 ng umaga sa Lunes, March 6 ay magsasagawa ng pagkukumpuni sa ilang pangunahing lansangan sa Quezon City.
Apektado ng re-blocking at repair ang mga sumusunod na lansangan:
Southbound:
– Mindanao Avenue – mula Mindanao Avenue Bridge hanggang Tandang Sora Avenue.
– Commonwealth Avenue – mula Don Jose St. patungong San Simon St.
– Quirino Highway – mula Mindanao Avenue patungong Bernardino St.
Westbound:
– Congressional Avenue Extension – mula sa harap ng Shell-Miranila Gate.
Ang mga motorista ay pinapayuhang iwasan ang nasabing mga kalsada ngayong weekend para hindi maabala.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.