2 pulis na suspek sa pagpatay sa babaeng miyembro ng citizen watch sa Mindoro, inilipat na sa NBI
Mula sa Bansud District Jail dinala ng mga tauhan ng Bureau of Jail Management and Penology (BJMP) sina Police Sr. Insp. Magdaleno Pimentel at Police Inspector Mark Sol Ameranes.
Mahigpit ang ipinatupad na seguridad ng mga tauhan ng BJMP sa mga suspek na nakaposas at nakasuot pa ng bullet proof best ang dumating sa NBI sa Maynila.
Ang dalawa ay inilipat sa piitan ng NBI matapos ipag-utos ng Supreme Court na mailipat sa Manila Regional Trial Court (RTC) ang pagdinig sa kasong murder na kinakaharap ng mga ito.
Hiniling kasi ng pamilya ng biktimang si Zenaida Luz na mailipat sa Metro Manila ang paglilitis sa kaso dahil takot silang maimpluwensyahan ng mga suspek ang hukom na hahawak ng kaso sa Mindoro.
Pinagbabaril ng dalawang police official na nagtakip pa ng mukha ang nasawi noong nakalipas na taon.
Watch: Paglilipat sa 2 police official na suspek sa pagpatay sa CCW member sa Oriental Mindoro @dzIQ990 pic.twitter.com/jUD4NFdeJw
— Erwin Aguilon (@erwinaguilonINQ) February 15, 2017
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.