Anti-Martial Law activists, nagkasa ng kilos-protesta sa 31st anniversary ng People Power Revolution
Umapela sa publiko ang grupo ng mga kontra-Martial Law na makiisa sa gaganaping kilos-protesta sa paggunita ng ika-31 anibersarsyo ng EDSA People Power Revolution.
Paalala ng grupong February 25 Movement, samahan ng 60 organisasyon na anti-Martial Law, hindi dapat kalimutan na lang ang matagumpay na pagpapatalsik sa diktaturyang Marcos matapos ang 21-taon.
Ipapanawagan rin umano ng grupo ang pagtigil sa nagpapatuloy na pagpatay kasunod ng kampanya ng gobyerno kontra-iligal na droga.
Aminado naman ang mga biktima ng Martial Law, tulad ni dating Commission on Human Rights Chairperson Etta Rosales na hamon sa kanila ang ipaalam sa mga ‘millennials’ ang kahalagahan ng ipinaglaban noon ng 3 milyung Pilipino na nag-martsa sa EDSA noong 1986.
Ikakasa ang protesta na tinaguriang ‘The Power of We’ sa February 25 sa People Power Monument sa Quezon City.
WATCH: February 25 Coalition, nanawagan sa publiko na makiisa sa gaganaping protesta sa ika-31 anibersaryo ng EDSA People Power | @dzIQ990 pic.twitter.com/8BJ61z7mUg
— CyrilleCupinoINQ (@CyrilleCupino) February 15, 2017
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.