‘Mga mambabatas na nagtatanggal ng plunder sa Death Penalty bill, takot sa sariling multo’ – Panelo
‘Takot sa sariling multo’
Ito ang reaksyon ni Presidential Legal Counsel Salvador Panelo sa mga ulat na may mga mambabatas na nagpa-planong alisin ang plunder sa mga krimen na maaaring mapatawan ng death penalty.
Ayon kay Panelo, posibleng ang ilang sa mga mambabatas na nagpapatanggal sa plunder ay natatakot na maimbestigahan pagdating ng panahon.
Tao lang din aniya ang mga mambabatas na natatakot sa parusang kamatayan.
Dagdag pa ni Panelo, maaaring ipantay ang plunder sa murder dahil marami ang namamatay dahil sa korapsyon.
Kapag inalis aniya ang milyon-milyong pera na dapat natatanggap ng constituents ng mga mambabatas, katumbas na din ito ng pagpatay sa kanila.
Kanina, sinabi ni House Speaker Pantaleon Alvarez na hindi na aalisin ang plunder o pandarambong sa Death Penalty bill.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.