Award-winning jazz singer na si Al Jarreau, pumanaw na
Pumanaw na sa edad na 76-anyos ang seven-time Grammy award winner na si Al Jarreau.
Ayon sa kanyang booking agent, pumanaw si Jarreau dalawang araw matapos nitong iaununsyo ang kanyang pagreretiro sa larangan ng entertainment dahil sa exhaustion o labis na kapaguran.
Gayunman, hindi naman binanggit kung ano ang mismong dahilan ng pagpanaw ng sikat na mang-aawit bagamat nakaranas ito ng respiratory at cardiac problems nitong mga nakalipas na taon.
Bago ito pumanaw, na-confine sa pagamutan sa Los Angeles ang mang-aawit.
Ilan sa mga kilalang awitin ni Jarreau ang “ After All,” “We’re in This Love Together,” noong 1981 at ang sountrack ng TV series noong dekada ’80 na “Moonlighting”.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.