Babae, patay makaraang mahulog sa escalator World Trade Center Oculus sa New York
Patay ang isang babae matapos mahulog sa isang escalator na may taas na 30 feet sa World Trade Center Oculus sa New York.
Ayon kay Port Authority police spokesman Joe Pentangelo, ang nasabing babae na hindi na inilabas ang pangalan, ay mula sa New Jersey.
Naisugod pa ito sa isang ospital pero idineklara na itong dead on arrival.
Nabatid na kinukuha ng babae ang sumbrero ng kanyang kambal nang mahulog ito sa escalator.
Ang Oculus ay bahagi ng bagong multi-billion dollat na transportation at shopping hub sa lower Manhattan.
Pagmamay-ari at pinamamahalaan naman ng Port Authority ng New York at New Jersey ang buong World Trade Center.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.