Mga nawawalang sundalo sa Bukidnon natagpuang patay
Tatlong mga bangkay ng mga sundalo na naiulat na nawawala ang natagpuan sa may Sitio Kaleb, Brgy. Kibalabag, Malaybalay City sa lalawigan ng Bukidnon.
Ayon kay C/Insp. Alfredo Ortiz, hepe ng pulisya sa Malaybalay City, naiulat na nawawala ang tatlo alas-tres ng hapon kahapon.
Ayaw pang ibigay ng pulisya ang pagkakilanlan ng mga sundalo na umanoy kabilang sa Bayanihan Team Activity o BTA.
Sa ulat, kukuha lamang ng kanilang subsistence allowance ang tatlo kahapon pero sila ay dinukot ng mga pinaniniwalaang rebeldeng NPA.
Wala rin umanong dalang armas ang mga naka-sibilyan na biktima nang sila’y dukutin.
Naging kalunos-lunos rin umano ang paraan ng pagpatay sa mga biktima makaraang tadtarin ng mga tama ng bala ang kanilang mga katawan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.