Zero crime rate, naitala sa Quezon City habang ginaganap ang Miss Universe pageant
Gaya ng mga nagiging laban ni eight division world champion Sen. Manny Pacquiao, wala ring naitalang anumang krimen sa buong lungsod ng Quezon habang ginaganap ang prestihiyosong Miss Universe kahapon.
Ito ang iniulat ni Quezon City Police District Chief Supt. Guillermo Eleazar matapos ang matagumpay na Miss Universe pageant.
Ayon kay Eleazar, zero crime rate ang buong lungsod mula alas otso ng umaga hanggang alas onse ng tanghali.
Bukod tanging isang minor vehicular accident lamang ang naitala sa Station 12 kaninang umaga subalit agad naman itong naresolba.
Ikinatuwa naman ito ng hepe ng QCPD kasabay ng apela sa publiko na sana ay ganito rin ang peace and order situation kahit walang mahahalagang aktibidad sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.