Kapalaran ng 30 minahan, malapit nang ilahad ni Sec. Gina Lopez

Sa Huwebes na nakatakdang ibunyag ni Environment Sec. Gina Lopez ang magiging kapalaran ng operasyon ng 30 minahan na sumablay sa kanilang audit ilang buwan na ang nakalilipas.

Matatandaang noong September 27, iniutos ng Department of Environment and Natural Resources (DENR) ang pagsuspinde sa 10 mining operations, kasabay ng rekomendasyon na suspindehin ang operasyon ng 20 iba pa.

Nadiskubre kasi ng audit team ng DENR na nilabag ng mga minahan ang terms and conditions ng kanilang environmental compliance certificate (ECC), pati na ang mga patakaran ng DENR sa mine safety and health standards at sa implementing rules ng Philippine Mining Act of 1995.

Ayon pa sa DENR, 11 lang sa 41 na metallic mines sa bansa ang sumusunod sa environmental standards.

Binigyan naman ng pagkakataon ng kagawaran ang mga kumpanyang ito na magpaliwanag kung bakit hindi dapat suspindehin ang kanilang mga oeprasyon.

Ang 10 minahan na sinuspinde agad ng DENR ay pag-aari ng Benguet Corp. Nickel Mines Inc.; Berong Nickel Corp.; Citinickel Mines and Development Corp.; Claver Mineral Development Corp.; Emir Mineral Resources Corp.; Eramen Minerals Inc.; LNL Archipelago Minerals Inc.; Mt. Sinai Mining Exploration & Development Corp.; Ore Asia Mining and Development Corp.; at Zambales Diversified Metals Corp.

Nahaharap naman sa suspensyon ang AAMPHIL Natural Resources Exploration and Development Corp. (Parcels 1 and 2B); Adnama Mining Resources Inc.; Agata Mining Ventures Inc.; Benguet Corp.; Carrascal Nickel Corp.; Century Peak Corp. (Casiguran Nickel and Rapid City Nickel projects); CTP Construction and Mining Corp.;
Hinatuan Mining Corp.; Krominco Inc.; Filminera Resources Corp./Philippine Gold Processing and Refining Corp.; Lepanto Consolidated Mining Co.; Libjo Mining Corp.; Marcventures Mining and Development Corp.; OceanaGold Phils. Inc.; Oriental Synergy Mining Corp.; Oriental Vision Mining Philippines Corp.; Sinosteel Philippines H.Y. Mining Corp.; Strongbuilt Mining Development Corp.; Wellex Mining Corp.; at SR Metals Inc.

TAGS: