38 na bumbero, sugatan sa pagbagsak ng nasusunog na high-rise building sa Iran
Hindi bababa sa tatlumpu’t walong bumbero ang nasugatan matapos bumagsak ang isang nasusunog na high-rise commercial building sa Tehran, Iran.
Inilarawan ng isang witness ang pag-collapse ng nasabing gusali na katulad ng eksena sa isang horror na pelikula.
Ayon sa ulat, habang inaapula ang apoy na tumutupok sa gusali, bigla na lamang itong nag-collapse na nagresulta sa pagkakasugat ng mga bumbero.
Pero bago pa man mag-collapse ang gusali ay nailikas na ang mga naninirahan dito.
Pinangangambahan naman na posibleng may mga na-trap na iba pang bumbero sa bumagsak na gusali.
Hanggang ngayon ay patuloy ang isinasagawang rescue operation sa lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.