NDRRMC nagpaliwanag na hindi nagkulang sa babala sa pagbaha sa CDO
Nanindigan ang National Disaster Risk Reduction and Management Council (NDRRMC) na hindi sila nagkulang sa pagbibigay babala hinggil sa magiging epekto ng walang tigil na buhos ng ulan na naranasan sa ilang bahagi ng Mindanao partikular sa Cagayan De Oro City dulot ng Low Pressure Area na nag-resulta ng matinding pagbaha.
Ayon kay NDRRMC Spokesperson Mina Marasigan, ilang araw bago pa bumuhos ang walang tigil na ulan ay nagpababa na sila ng mga babala tulad na lamang ng general flood advisory sa kanilang mga regional at local offices.
Patunay umano sa kanilang patuloy na monitoring at babala ang naging mabilis na aksyon ng mga local officials sa mga naapektuhang mga lugar
Ilan sa tinitingnan dahilan ng NDRRMC sa biglaang pagtaas ng tubig ay ang ilang araw na tuloy-tuloy na ulan mula sa kabundukan
Sa pinakahuling tala, tatlo na ang patay , tatlo ang sugatan at isa ang nawawala sa naganap na flash flood sa lungsod ng Cagayan De Oro kagabi.
Nasa mahigit naman sa tatlong libo katao ang kasalukuyan pa ring nananatili sa mga evacuation centers sa lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.