Biko, suman, kutsinta at mongo soup, inihain ni Pangulong Duterte kay PM Abe
Pawang kakanin at mongo soup ang ipinakain ni Pangulong Rodrigo Duterte kay Japan Prime Minister Shinzo Abe nang ito ay bumista sa kaniyang bahay sa Davao City.
Ayon kay Special Assistant to the President Sec. Bong Go, biko, suman, kutsinta at mongo soup ang inihain ni Pangulong Duterte kay Abe.
Sa mga larawang ipinadala sa media ni Sec. Go, ipinakita rin ni Pangulong Durterte kay Abe ang kaniyang kwarto kasama ang kulay puti na kulambo na kaniyang ginagamit sa pagtulog.
Si Pangulong Duterte ay hindi nakakatulog nang walang kulambo.
Sinabi ni Go na umabot sa 45-minuto ang pananatili ni Abe sa bahay ng pangulo.
Matapos ang almusal sa bahay ni Duterte, sina Abe at Duterte ay kapwa nagtungo naman sa Waterfront Hotel para sa meet and greet sa mga negosyante.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.