Pito sa bawat sampung Pilipino, umaasang magiging masaya ang pagdiriwang ng Pasko
Nakararaming Pilipino ang umaasang magiging masaya ang kanilang Pasko ngayong taon.
Base sa pinakahuling survey ng Social Weather Stations, pito sa bawat sampung Pilipino o 73% ang tiwala na magkakaroon sila ng “happy Christmas” habang nasa 5% naman ang nagsabing magiging “sad” ang kanilang Pasko at nasa 21% ay naniniwalang sakto lang ang kanilang selebrasyon.
Sa Fourth Quarter survey ng SWS, tatlo naman sa apat o 75% ng Filipino adults ang nagsabing “better to give” at 21% ang naniniwala na “better to receive.”
Bahagyang tumaas ang bilang ng mga umaasa sa masayang Pasko ngayong taon kumpara noong taong 2015 na umabot ng 72 % at 71 % noong 2014.
Ang 73 % naman ay ikatlo sa pinaka-mataas mula noong 2002 nang simulant ng SWS ang kanilang survey kaugnay ng expectations ng mga Pilipino.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.