Ethics complaint laban kay De Lima, inihain na sa Senado
Pormal nang inihain ng House of Representatives sa Senado ang ethics complaint laban kay Sen. Leila de Lima.
Si De Lima ay nasa official trip sa ibang bansa nang ihain ang reklamo sa Senate committee on ethics na pinamumunuan ni Senate Majority Leader Tito Sotto.
Tumayo bilang respondents sa reklamo sina House Speaker Pantaleon Alvarez, House Majority Leader Rodolfo Fariñas at Oriental Mindoro Rep. Reynaldo Umali na chaiman ng House justice committee.
Nag-ugat ang nasabing reklamo dahil sa umano’y pagpigil ni De Lima sa kanyang dating driver-lover na si Ronnie Dayan na dumalo sa imbestigasyon ng Kongreso ukol sa paglaganap ng iligal na droga sa New Bilibid Prison.
Si De Lima pa ang kalihim ng Department of Justice nang madiskubre ang umano’y illegal drug trade sa loob ng Bilibid.
Pero sa kabila nito, nanindigan si De Lima sa kanyang pagpigil kay Dayan at sinabing hindi obstruction of justice, kundi “obstruction of persecution” ang kanyang ginawa.
Iginiit din ni De Lima na wala siyang nakikitang hustisya at hindi rin siya binigyan ng hustisya sa isinagawang pagdinig ng Kongreso.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.