Nichole Manalo, nakabalik na sa bansa matapos ang sorpresang pagkapanalo bilang 3rd runner-up sa Miss Globe
Nakabalik na ngayong araw sa Pilipinas ang beauty queen na si Nichole Manalo matapos sorpresang ideklara na siya ang nagwaging 3rd runner-up sa Miss Globe 2016 na ginanap sa Albania noong nakaraang linggo.
Dumating sa bansa si Manalo sakay ng Philippine Airlines flight PR-669 pasado alas 8:00 ng umaga.
Sinalubong siya ng kapatid na si Bianca Manalo.
Noong November 25 ginanap ang coronation night para sa Miss Globe 2016 sa Albania, pero hindi naianunsyo noon na nagwagi si Manalo bilang 3rd runner-up.
Paliwanag ng organizers, nakalimutan kasi ng emcee na basahin ang nilalaman ng sobre para sa 3rd runner-up at 4th runner-up.
Dahil dito, nagsagawa na lamang ng belated coronation para kay Manalo at sa nagwaging 4th runner-up na si Miss South Africa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.