Signal #2, itinaas sa Batanes, habagat, darating sa Metro Manila bukas-PAGASA
Nagbabala ang Philippine Geophysical Astronomical Services Administration (PAGASA) sa posibleng storm surges na aabot sa 14 meters ang taas sa Batanes kasama na ang Itbayat.
Signal number#1 naman ang iiral sa Calayan at Babuyan group of Islands at Northern Cagayan kung saan malalakas na hangin na 30-60-kph ang tatama sa naturang mga lugar.
Samantala, inaasahan namang mararanasan na sa Metro Manila ang hanging habagat simula bukas, Sabado .
Sa ngayon, ang Southern Tagalog kabilang ang Bicol ay dumaranas na rin ng epekto ng hanging habagat matapos itong manalasa sa Visayas at Mindanao.
Gayunman, inaasahan din ng PAGASA na hindi gaanong matindi ang daranasing habagat sa Metro Manila at Luzon dahil palabas na at mabilis ang takbo ng bagyong Hanna
Inaasahang mag-lalandfall sa Eastern Taiwan bukas.
Kaninang alas sais ng umaga, si Hanna ay nasa 460km east northeast ng Itbayat, Batanes./Jake Maderazo
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.