P1M reward money natanggap na ng nagturo sa kinaroroonan ni Ronnie Dayan
Nai-turnover na ang isang milyong pisong reward para sa nakapagturo kay Ronnie Dayan, na mahigit isang buwang nagtago sa mga otoridad.
Ayon kay Volunteers Against Crime and Corruption o VACC spokesperson Boy Evangelista, isinagawa ang turn over sa mismong reopening ng imbestigasyon ng House Justice Panel ukol sa Bilibid drug trade ngayong araw.
Ibinigay nina Atty. Ferdinand Topacio at Evangelista ang pera kay alyas “Francisco” – 54 anyos.
Matatandaang ang isang milyong piso reward ay nabuo para sa ikadarakip ni Dayan, na may warrant of arrest dahil sa kabiguang dumalo sa Bilibid congressional probe.
WATCH: Ang informant na naging susi para matunton si Ronnie Dayan | @isaavendanoDZIQ pic.twitter.com/eRFMFieV63
— RadyoInquirer990AM (@dzIQ990) November 24, 2016
WATCH: Hawak nina Atty. @FerdieTopacio at Boy Evangelista ng VACC ang P1M na reward | @isaavendanoDZIQ pic.twitter.com/uAm0YwGIH9
— RadyoInquirer990AM (@dzIQ990) November 24, 2016
Samantala, maagang dumating ang mga resource person sa Belmonte hall para sa nasabing pagdinig.
Kabilang sa mga naunang nagdatingan sa kamara ay sina PNP Chief Bato dela Rosa, PNP General Benjamin Magalong, PAO chief Persida Rueda Acosta, mga taga-VACC at iba pa.
Mahigpit ang seguridad na ipinatupad dahil ito ang unang pagharap ni Dayan sa pagsisiyasat ng Kamara.
Pagkatapos naman ng imbestigasyon ay freeman na si Dayan.
Nauna nang ininguso ng mga drug lord si Dayan na kumukubra raw ng milyon-milyong pisong salapi, para raw sa kanyang amo at kasintahan noon na si dating DOJ Sec. At ngayo’y Senadora Leila De Lima.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.