Pinagbintangang asset ng pulis, patay sa pamamaril sa QC
Patay ang isang 59 na taong gulang na lalaki matapos pagbabarilin sa bahagi ng Pugad Lawin, Brgy. Bahay Toro, Quezon City.
Kinilala ang biktima na si Raul Geronga.
Ayon sa kapatid ng biktima na si Dario, bumibili lamang sa tindahan ang biktima kasama ang anak nang lapitan ng dalawang lalaki.
Tinanong umano ng mga suspek kung asset ng pulis si Geronga na itinanggi naman nito.
Gayunman, pinagbabaril pa rin siya ng mga suspek na mabilis na tumakas matapos ang insidente.
Inaalam naman kung may kaugnayan sa iligal na droga ang krimen.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.