Mga car bomb, ginagamit ng ISIS upang kontrahin ang mga sumasalakay sa Raqqa
Limang car bombs ang pinasabog ng mga Islamic State militants upang targetin ang US-backed na Syrian armed groups na sumugod sa Raqqa.
Sinimulan ng Syrian Democratic Forces (SDF) at ng Kurdish YPG militia ang kanilang pag-atake noong Sabado na naglalayong bawiin ang Raqqa mula sa I-S.
Bagaman hindi magiging madali para sa SDF na bawiin mula sa I-S ang Raqqa, sinasabing nakadagdag rin ito ng pressure sa I-S dahil nahaharap rin sila sa mga pag-atake sa Iraq.
Panay rin ang paggamit ngayon ng I-S ng car bombs sa kanilang pag-depensa sa kanilang sinasakupang teritoryo na Mosul, na binabawi at inaatake naman ngayon ng Iraqi forces.
Ang SDF ngayon ang main partner ng US-led coalition laban sa Islamic State, na tumutulong sa pagbawi sa mga teritoryong sinakop ng teroristang organisasyon sa northern Syria gamit ang air support.
Gayunman, naging mahirap ang pag-plano sa pag-atake sa Raqqa dahil ayaw na ng kalapit bansa na Turkey na makakita ng pag-lawig pa ng Kurdish influence sa Syria.
Bukod pa dito, isang Arab city ang Raqqa kaya naniniwala ang mga Syrian Kurdish officials na Syrian Arab groups ang dapat na magpa-laya dito at hindi ang Kurdish YPG.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.