2 hinihinalang drug pusher, patay sa buy-bust operation sa Navotas City
Patay ang dalawang target sa isinagawang buy busy operation ng Navotas Police sa bahagi ng Maket 3, Fishport complex, Barangay North Bay Boulevard North, Navotas City.
Kinilala ang mga suspek na sina Emmanuel Villa at isang kasamahan na alyas ‘Arne’ na umano ay kapwa drug pusher sa nasabing lugar.
Ayon kay Police Sr. Supt. Dante Novicio, Chief of Police ng Navotas Police station, isang police asset ang nagpanggap bilang drug pusher-buyer ngunit nakahalata ang mga suspek.
Kumuha ng baril ang dalawa at nakipagpalitan ng putok sa pulisya na naging sanhi ng kanilang pagkamatay.
Narekober sa mga suspek ang tatlong pakete ng hinihinalang shabu at dalawang short firearm na caliber 38 at 45.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.