Libreng edukasyon sa mga SUC’s inaasahang maisasabatas na
Kumpiyansa si Senador Bam Aquino na papasa bago magtapos ngayon taon ang panukala niya na libreng edukasyon sa lahat ng State Colleges and Universities.
Ayon kay Aquino, magsasagawa ng mga pulong ang technical working groups para pag-isahin ang mga kahalintulad na panukala.
Sa pagdinig ng senate committee on education may mga panukala ang ibat ibang sektor.
Aniya, may grupo na nais ang free tuition ay depende sa kurso na nais ng estudyante, mayroon naman na nais munang alamin ang tunay na kapasidad ng estudyante na magbayad at may iba na nais palawigin ito at bigyan ng transportation, miscellaneous at living allowances ang mga mahihirap na estudyante.
Dagdag pa ng senador kasabay nito itutulak din niya na mapaganda ang kalidad ng edukasyon sa mga kolehiyo at unibersidad na pag aari ng gobyerno.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.