Tour bus bumangga sa trailer sa California, 13 ang patay
Patay ang labingtatlong katao at 31 pa ang nasugatan matapos bumangga ang isang tour bus sa tractor-trailer sa kahabaan ng Southern California highway.
Kinumpirma ng mga otoridad na ang labing tatlong nasawi ay pawang sakay ng tour bus.
Galing sa Red Earth Casino sa Salton City, California ang bus at patungo na sa Los Angeles nang maganap ang aksidente.
Naganap ang insidente sa Interstate 10 malapit sa Palm Springs.
Nagsasagawa na ng imbestigasyon ang National Transportation Safety Board sa kung ano ang naging sanhi ng aksidente.
Sa wasak na wasak umano ang bungad ng tour bus at halos pumasok sa loob ng trailer.
Ang mga nasugatang pasahero ay dinala na sa pagamutan.
Ang aksidente ay nagresulta naman sa pagsasara ng westbound lanes ng interstate.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.