Sen. Sherwin Gatchalian, naghain ng not guilty plea sa kasong kinakaharap sa Sandiganbayan
Naghain ng not guilty plea sa Sandiganbayan 4th Division si Senator Sherwin Gatchalian kaugnay sa kinakaharap niyang kasong katiwalian, malversation, at paglabag sa manual regulation for banks.
Ito ay kaugnay sa pagbili ng Local Water Utilities Administration (LWUA) sa ilalim ng pamumuno noon ni Cong. Prospero Pichay sa Express Savings Bank, Inc. (ESBI) na kabilang ang pamilya Gatchalian sa nagmamay-ari.
Isinagawa na ang arraignment kay Gatchalian dahil sa nakatakda nitong pag-alis sa bansa bukas hanggang sa October 22 patungong China.
Kasama si Gatchalian sa delegasyon ni Pangulong Rodrigo Duterte sa trade mission ng pangulo sa nasabing bansa.
Kasunod nito, pinayagan naman ng mga mahistrado ng Sandiganbayan si Gatchalian na makalabas ng bansa.
Inatasan lamang itong maglagak ng P270,000 na bond para sa gagawin niyang pagbiyahe.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.