Nakapagtala ng phreatic explosion sa Mt. Bulusan, Lunes ng umaga, October 17.
Sa post sa Facebook page ni Albay 2nd Dist. Rep. Joey Salceda makikita ang makapal na abo mula sa bunganga ng bulkang Bulusan.
Tinatayang umabot umano sa isang kilometro ang taas ng abo na ibinuga ng Bulkan.
Naganap ang phreatic explosion kaninang alas 7:36 ng umaga.
Ayon sa Phivolcs, sa nakalipas na magdamag, nakapagtala ng 24 na volcanic earthquakes sa Bulusan.
Nananatili pa rin naman sa Alert Level 1 (abnormal) ang bulkan na nangangahulugang bawal pa rin ang pagpasok sa loobng 4-kilometer radius Permanent Danger Zone (PDZ) nito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.