3 patay, 12 sugatan sa shooting incident Los Angeles, California
Patay ang tatlo katao habang labingdalawa ng sugatan matapos mauwi sa barilan ang pagtatalo sa isang restaurant sa Los Angeles, California.
Ayon sa Los Angeles Police, hawak na nila ang dalawang posibleng suspek at isinasailalim na ngayon sa pagtatanong.
Ayon kay Sgt Frank Preciado, isang pagdiriwang ang nagaganap sa naturang restaurant nang magsimula ang pagtatalo ng isang babae at isang lalaki.
Umalis pa aniya ang dalawa matapos ang pagtatalo pero nang bumalik ang mga ito, nagsimula na ang pagpapaputok ng baril.
Agad na isinugod sa ospital ang mga sugatan na ang ilan pa sa mga ito at nasa kritikal na kondisyon.
Narekober sa crime scene ang isang baril at ilang basyo ng bala.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.