Duterte, handang mag-ala Hitler sa laban ng pamahalaan kontra illegal drugs
Handa si Pangulong Rodrigo Duterte na mag-ala Hitler kaugnay sa laban ng pamahalan kontra illegal na droga.
Ayon kay Duterte kung si Adolf Hitler ay nag-massacre ng tatlong milyong Jews, masaya siyang papatayin ang tatlong milyong adik sa Pilipinas.
Ginawa ni Duterte ang pahayag nang dumating ito kanina sa Davao International Airport galing sa Hanoi Vietnam.
Ani Duterte, kung merong Hitler noon ang Germany, mayroon namang kagaya niya ang Pilipinas.
Sinabi ni Duterte na ito ang nakikita niyang solusyon para matuldukan na ang problema sa ilegal na droga at maisalba ang susunod na henerasyon.
“Hitler massacred three million Jews. Now there is three million, there’s a three million drug addict. There are. I’d be happy to slaughter them. At least if Germany had Hitler, the Philippines would have you know, my victims, I would like to be all criminals to finish the problem of my country and save the next generation from perdition,” ayon sa pangulo.
Ang nasabing pahayag ni Duterte ay muling nag-headline sa international media.
Sa artikulo ng Reuters, nakasaad na inihalintulad ni Duterte ang kaniyang sarili kay Hitler at nais pumatay ng milyun-milyong adik.
Ganoon din ang balita ng Reuters, Telegraph, CNBC at Washington Post.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.