Heavy rainfall warning itinaas ng PAGASA sa Metro Manila at mga kalapit na lalawigan
(UPDATE) Dahil sa patuloy na pag-ulan na nararanasan na epekto ng Southwest Monsoon o Habagat, nakataas pa rin ang heavy rainfall warning sa Metro Manila at mga kalapit na lalawigan.
Sa abiso ng PAGASA alas 10:00 ng umaga, yellow warning level ang umiiral sa Metro Manila at sa mga lalawigan ng Zambales, Bataan, Pampanga at Rizal.
Babala ng PAGASA sa mga residente, mag-ingat sa posibleng pagbaha.
Samantala, mahina hanggang katamtamang pag-ulan naman ang naka-aapekto sa lalawigan ng Bulacan at Cavite na tatagal sa susunod na dalawa hanggang tatlong oras.
Mahina hanggang katamtamang pag-ulan din ang mararanasan sa susunod na mga oras sa Tarlac, Laguna at Quezon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.